Monday, January 31, 2011

8. ඇහෙනවද ඒ සද්දේ? සද්දයක් නැතුවම? | Do you hear the silence?



ඇහෙනවද...? 
වැහිබීරිමට කළු වුන අහස කෑගහල අඬන සද්දේ... 
සද්දයක් නැතුවම...?

ඇහෙනවද...? 
කහපාට විදුලි එලි වියරුවෙන් දිලිසෙන සද්දේ... 
සද්දයක් නැතුවම...?

ඇහෙනවද...? 
මොරගෙඩි වගේ වැහි බිඳු එක පිට එක වැටෙන සද්දේ... 
සද්දයක් නැතුවම...?

ඇහෙනවද...? 
ගල් වැලි බොරළු කැට මඩ වතුරේ හෝදගෙන යන සද්දේ... 
සද්දයක් නැතුවම...?

ඇහෙනවද...? 
වලකුලේ හිඩැස් දිගේ ඉර එලිය බේරෙන සද්දේ... 
සද්දයක් නැතුවම...?

ඇහෙනවද...? 
ඉර එලියට හෙමිහිට පොහොට්‍ටුවක් දිගෑරෙන සද්දේ... 
සද්දයක් නැතුවම...?

ඇහෙනවද...? 
නැවුම් මල්පෙති වල තැවරුණු පිණිකැට දිලිසෙන සද්දේ... 
සද්දයක් නැතුවම...?

ඇහෙනවද...? 
පිණිකැටයක් විතර කඳුලක් ඇහිපිහා‍ටුවෙන් ගිලිහෙන සද්දේ...
සද්දයක් නැතුවම...?

ඇහෙනවද...? 
බලාපොරොත්තුවේ හදවත් එකිනෙකාට කොඳුරන සද්දේ... 
සද්දයක් නැතුවම...?

ඇහෙනවද...? 
සහෝදරත්වයේ ඇඟිලි කිටි කිටියේ තදවෙන සද්දේ...
සද්දයක් නැතුවම...?

ඇහෙනවද...? 
අතුරුදන් වෙලා හිටි මනුස්සකම කතාකරන සද්දේ...
සද්දයක් නැතුවම...?

ඇහෙනවද...? 
මචං ඉලන්දාරියා...උඹට ඇහෙනවද ඒ සද්දේ...
සද්දයක් නැතුවම...?


කිසිදා නොදු‍ටු සොයුරා ඉලන්දාරියා වෙනුවෙන් නිර්මාණයකට වඩා යමක් කිරීමේ නිහඬ පොරොන්දුවක්ද සිතෙහි දරාගෙන...සයිබර් සැණකෙලියේ සඳහන් ඉල්ලීමට සහයෝගයක් ලෙස, බැරි මරගාතේ කොටපු කුළුඳුල් කවි නිර්මාණයකි....
අකුරු ඇමිණුවේ at
Labels:

5 comments :

  1. තාරාJanuary 31, 2011 at 1:27 AM

    බැරි මරගාතේ කෙටුවා කිව්වට හරිම ලස්සනයි... ලස්සන, හිතට වදින අදහසක්...

    ReplyDelete
  2. ගල්මල්-CoralJanuary 31, 2011 at 2:53 AM

    ඇහුනා නුඹේ හදවත කතා කරන සද්දේ
    අත්වැල් බැඳන් ශක්තියක් කරමු සද්දේ

    ලස්සනයි ඔබේ අදහස හා ඉදිරිපත් කිරීම

    ReplyDelete
  3. AnonymousJanuary 31, 2011 at 6:55 AM

    ඇහුන
    හදවත පතුලටම ඒ සද්දේ.....

    ReplyDelete
  4. AnonymousJanuary 31, 2011 at 6:56 AM

    කුළුදුල් ????
    ඒ වුනාට ලස්සනයි.........

    ReplyDelete
  5. විකීFebruary 1, 2011 at 8:15 AM

    උඹ හරි
    ඇත්තටම ඇහෙනවා
    ඒ සද්දේ

    ReplyDelete

Subscribe to: Post Comments ( Atom )
Web Statistics