Tuesday, January 12, 2016

114. කැප්ටන් කලමාරිගේ වීර ක්‍රියා

 

කැප්ටන් කලමාරිගේ වීර ක්‍රියා…!



හලෝ කැප්ටන් කලමාරි… කොහොමද වාස දේසේ…
වස්තුවක් හොයනවැයි..? තියෙන්නෙ කොයි දේසේ…


දිලිසෙන මාලු නයිදෙගේ කොරල නම් ඉස්තරම්…
ඒත් ඌ වටින්නෑ පැන්සයක් තරම්…




මූහුදු ලිහිනියා සිංදු කිය කියා නටයි…
හොටය ලස්සනයි ඒත් වටින්නැති හැඩයි…



තාරකා මාලුවාගේ නැටුමකුත් බලමු...
වස්තුවක් නෑ උගෙන් පාරවත් අහමු…


 
ඉර එලියේ දිලිසෙනා ඉබි නයිදෙගේ කටුව...
තේරුමක් නෑ අපි හොයන දේ නැතුව…



 
පී-ක-බූ බෙල්ලා ලඟත් වස්තුවක් නැද්ද..?
නෑ වගෙයි අපි යනවා නොකර වැඩි සද්ද…



 
බෙලි අප්පු ගාටනා කටුව පිට දරන්…
නොමැති වස්තුව අපි හොයන ඉස්තරන්…



 
අන්තිමේ හමුවුනා වටින දේ හොයපු…
පුතේ ඒ නුඹයි අපි ලෝකයක් දිනපු...


දරුවන්ට ලැබුණු තෑගී අතර තිවුන රෙදි වලින් මසා ඇති මේ නිර්මාණශීලී කතන්දර පොත් පිං‍ච පුතාටත් වැඩියෙන් මම රස වින්දා කිව්වොත් වැරදි නෑ… එහි ප්‍රථිපලය මේ පෝස්ට් එක…

මගේ සිඟිති ආතල් වලට ඔබේ බයිට් පුච්චනවාට සමාව දෙනු ඇතැයි සිතමි…

මුල් ඉංග්‍රීසි නිර්මාණයේ හිමිකරු : Chung Liang
ග්‍රැෆික් නිර්මාණය : Tetsuya Hirose
අදහස සහ අදියුරුවම : මුල් ළමාවිය සංවර්ධනවේදී Dorothy Singer Ed. D.
සිඟිත්තාගේ පිංතූරය අන්තර්ජාලයෙන් :

24 comments :

  1. අපූරුයි.... සිංහලට නගලා තියන විධිහ හරිම් අපූරුයි....මමත් ඉංග්‍රීසි වැකිය කියවලා උඹේ වචන ටික නොබලා හිතෙන් හරවලා බැලුවා.. ඒත් හැම වෙලේම උඹ ඉස්සරහින්...

    තාත්තලට, පුතාලට ජය !!

    ReplyDelete
  2. සුන්දරයි..........

    ReplyDelete
  3. බයිට් ගැන දුකක් නොහිතෙන වැඩක්..
    ජයවේවා..!!

    ReplyDelete
  4. පොස්ටුවට අදාල නැති ඉල්ලීමක් හැම අවුරුද්දෙම මුල චාරිත්‍රයක් වගේ ඉල්ලන.ඔහේ ඉතිං පිචර් පිස්ස වෙච්චි දෙමුකො මේ අවුරුද්දෙත් පහුගිය අවුරුද්දෙ හිත ගියපු පිචර් වල ඔත්තුවක්.ස්තුතියි කලින්ම!

    ReplyDelete
    Replies
    1. මේ අවුරුද්ද පුරාම බලන්න හිතන් ඉන්නේ එක ෆිල්ම් එකයිලු... Daddy Day Care..

      Delete
  5. අපූරුයි බීට්ල්... ලෙගෝ එහෙම හදන වයස ආවහම බලන්නකෝ තාත්තද පුතාද වැඩියෙන්ම ඉන්ටරස්ට් කියලා... අපේ ළමයින්ටත් මේ වගේ ඒවා තිබ්බා.. මේකෙ අන්තිම පිටුවේ කණ්නාඩියක් නේද තියෙන්නේ?

    ReplyDelete
  6. නියමයි බං.. වචන තේරීමත් ලස්සනයි..

    ReplyDelete
  7. Awesome translation! Happy fathering!

    ReplyDelete
  8. ඇයි ඉස්සර අර චීන කතා පොත් එහෙමත් තිබ්බා මතකද ඔය වගේ. මුල් ළමාවිය සංවර්ධනය විතරක් නෙමේ මේ වගේ සමහර මතක අපිවත් ගෙනියනවා ළමා වියට.

    ReplyDelete
  9. ළමයි වෙනුවෙන් කල අගනා මෙහෙයක්.

    ReplyDelete
  10. Replies
    1. හිටපු රජතුමාට හා වන්දිබට්ටන්ට අපි කෘතඥවෙන්න ඕනෙ.
      මොකද ඒ ගොල්ල කියපු සින්දු කරපු වැඩ කොයිතරම් ඕවර් ගිහින් අපිට එපාවුනාද කියනවනම් දැන් ඉන්න උන් ඒ ජාතියෙ වැඩක් කරන්න පටන් ගන්නකොටම මිනිස්සුන්ට හිනායන්න අප්පිරියවෙන්න ගන්නව.

      Delete
    2. ඔබට එයින් සිත්තැවුලක් වූයේනම් මගේ සාතිසීය කනගාටුව මහ දෙසුවානනී

      Delete
    3. ඈ බං ප්‍රා.. ඒ කමෙන්ට් එක කියෙව්වම තමා ඒකේ තියෙන ප්‍රාමාණික වටිනාකම හොද හැටි තේරෙන්නේ.. ඇත්තටටම අපි කුරුතංඤ වෙන්න ඕන තමා.. මට සිත් තැවුල් ආයි කොහේ එන්නද බං ඒවා.. හැක් හැක්. උඹට මොකක් හරි එහෙම එකක් උනා නං ඉතිං සොරි තමා.. මම නං ෆන් එකටයි අනං මනං කියන්නේ..

      Delete
  11. රෙදිවලින් හදපු කතා පොත්! ඒක නම් අපූරුයි, පොඩි එවුන්ට හොඳට ගැලපෙනවා..

    ReplyDelete
    Replies
    1. රෙදිවලින් හදපු කතා නිසා හෝද හෝද මඩේ දාන්න උනත් ඇහැකියි..:D

      Delete
  12. මේක මොන සිඟිති ආතල්ද අයියේ. මම නම් උපරිමෙන් රස වින්දා.
    මමත් අපේ අයියගේ පොඩි එකාට ගේන පොත් ඔක්කොටම කලින් කියවනවා.

    ReplyDelete
  13. මම ඒත් බැලුවා මේ මොකද්ද මේ දාලා තියන්නේ කියලා.. හාකෝ හාකෝ එහෙනම් රස විඳින්නකෝ කට්ටිය...

    ReplyDelete
  14. සිත්තර පැංචටත් මම මේ පෝස්ට් එක පෙන්නලා බීට්ල් මාමගේ කවිත් එක්කම කියලා දෙනවා හොඳද. ස්තූතියි බීට්ල් මේක මේ විදිහට තවත් රසවත් කරලා අපිත් එක්ක බෙදාගත්තට. :)

    පීක්-අ-බූ එක අපේ පැංචා අඳුරන්නේ ඔට්ටූ...යි කියලා. :D

    ReplyDelete
  15. නියමයි.. මෙව්ව කොහොමද අවුල් වෙන්නෙ... සුපිරි.. පොඩි දේවල් විඳිනව කියන දේ හැමෝටම කරන්න බෑ..

    ReplyDelete
  16. කමෙන්ටු සේරටම හැමෝටම ගොඩක් ස්තූතියි...එකින් එකට පිළිතුරු දෙන්න ඉස්පාසුවක් ඇති දවස් නොවැරදීම ආයෙත් උදාවේවි...

    ReplyDelete

Web Statistics