නොරට තනිකඩ සඳළුතලයක
පැඟිරි සුවඳක් ඉහෙනවා...
පිරුණු සඳවත වලා අතරින්
සඳළුතලයට එබෙනවා...
පැඟිරි සුවඳක් ඉහෙනවා...
පිරුණු සඳවත වලා අතරින්
සඳළුතලයට එබෙනවා...
කිමද අද මේ පුදුම එළියක්
සඳවතෙන් මම අහනවා...
"සිහි මදිද? අද වෙසක් පෝදින"
ඇයත් ඔච්චම් කරනවා...
ගමේ හැමතැන වෙසක් කොහොමද?
"හොඳයි..! දන්සැල කරනවා..."
"මෙදාපාරත් කවි බණක් හෙම
පන්සලේ අද තියෙනවා..."
බණ අහන්නට ඇයත් එන්නැති?
සඳවතෙන් මම අහනවා...
"ඇවිත් හිටියද කොහෙද වෙන්නැති..."
සඳ නෝක්කඩු කියනවා...
අම්මලත් එක්කලා එන්නැති?
නැවත මීවිත පිරෙනවා...
පිළිතුරක් දෙන්නැතුව සඳවත
වළාකුළකට වැහෙනවා...
පිංතූරය ගත්තේ @clarebear6t3
