මේ අකුරු බ්ලොග් අඩවියේ මෙතෙක් නොලියවුණු ආකාරයේ පෝස්ට් එකක්… මම මෙතෙක් තාක්ශණය සම්බන්ඬයෙන් කිසිවක් මෙම බ්ලොග් අඩවියේ සටහන් කර නැහැ… නමුත් පසුගිය දිනක නිවසට ආව මිතුරෙකු මා පරිගණකයේ තිබූ මෘදුකාංගයක් අහම්බයකින් දැක ඒ පිළිබඳව විස්තර අසා දැනගෙන, මා හට නොසෑහෙන්න කල ස්තුතිය මේ සටහන ලියන්නට මා පෙළඹවූවා… පරිගණක තාක්ශණික අංශයේ රැකියාවල නියුතු අයට මේවා අලුත් දේ නොවූවත් සිංහල බ්ලොග් අවකාශයේ එසේ නොවන අයද බොහෝයි… ඒ නිසා කිසිවෙකුට හෝ මෙයින් යහපතක් වේ යැයි යන විශ්වාසයෙනුයි මේ සටහන…
මේ මතු මා සඳහන් කරන්නට යන්නේ දැන් වසර ගණනාවක් තිස්සේ මා ජීවිතය පහසු කරන මට නැතුවම බැරි මෘදුකාංග කිහිපයක්… මෙහිදී දිනපතා භාවිතා වූවත් අප සැම හොඳින් හදුනන මෘදුකාංග මා අතහැර ඇත්තේ නැවත සඳහන් කිරීම තේරුමක් නොමැති නිසයි… මා විසින් මතු සඳහන් කරන මෘදුකාංග වලට වඩා සාර්ථකව අදාල කර්තව්‍ය ඉටුකරන මෘදුකාංග එමට ඇති… ඉතින් මා සඳහන් කර ඇති ඒවා කාලයක් තිස්සේ මා භාවිතා කිරීමෙන් සෑහිමකට පත්ව සිටීම හැරෙන්නට වෙනත් විශේෂයක් නැහැ… එම නිසා අදාල කාර්යය ඉටුකරගැනීමට වඩාත් හොඳ මෘදුකාංග ඔබ භාවිතා කරනවානම් ඒ පිළිබඳව සඳහන් කිරීමට අමතක කරන්නෙපා…
මා ඉහත සඳහන් කල මිතුරාට විස්තර කල මෘදුකාංගය මෙයයි… මෙය සැබැවින්ම බ්‍රවුසර් ඇඩෝන් එකක්… මා භාවිතා කරන්නට පටන් ගත්තේ වසර ගණනාවකට කලින් මෙය ෆොක්ස්මාර්ක්ස් ලෙස තිබියදීයි… කලකට පසු ඔවුන් එක්ස්-මාර්ක්ස් ලෙස තම නම වෙනස් කරගත්තා… මෙය ඇත්තෙන්ම බුක් මාර්ක් සින්ක්‍රෝනයිස් කරන ටූල් එකක්… මට උදව් වූයේ ලැප්ටොප් භාවිතාවක් නැති කාලයේ ආයතනයේ සහ නිවසේ පරිගනක වල ඇති බුක්මාර්ක් බෙදා හදා ගැනීමටයි…
සරලව පැහැදිලි කලොත් කෙරෙන්නේ මෙවැනි දෙයක්… අපි අන්තර්ජාලයේ සැරි සරද්දී සිත් ගත් වෙබ් අඩවි බුක් මාර්ක්, නැතිනම් ෆේවරිට්ස් වලට ඇඩ් කරගන්නවා… පසුව නැවත පරිශීලනය කිරීමේ අදහසින්.. නමුත් ගැටළුව නම් එය සේව් වෙන්නේ අදාල පරිගණකයේ පමණයි… උදාහරනයක් ලෙස අපි ෆේවරිට් එක දමාගත්තේ ඔෆීසියේදී නම් නිවසේදී ඒ ෆේවරිට්ස් ඇක්සස් කිරීම අපහසුයි… එක්ස්-මාර්ක්ස් හරහා කෙරෙන්නේ අදාල පරිගණක වල මෙම ඇඩ් ඔන් එක ස්ථාපනය කර ඇති විටෙක ෆේවරිට්ස් හෝ බුක්මාර්ක් කරගන්නා සියල්ල සෑම පරිගණකයටම ඔටෝමැටිකලි සින්ක් වීමයි…
මම නම් එක පරිගණකයක් පාවිච්චි කරන්නේ ඒ නිසා ඕක ඕනේ වෙන එකක් නැහැ ඔබ කියාවි… නමුත් එක්ස්-මාර්ක්ස් යනු ෆේවරිට්ස් බැකප් කරන මෘදුකාංගයක්ද වන නිසා වසර ගණනාවක් තිස්සේ ඔබ සේව් කරන බුක්මාර්ක් පරිගණකය ක්‍රියාවිරහිත වීම හෝ ෆෝමැට් කිරීම ආදී කටයුතු වලින් පසුවත් අපහසුවකින් තොරව ඔබට නැවත ලබාගැනීමට හැකියි… තවත් වාසි බොහෝමයක් ඇතත් මේ සටහන් කෙටියෙන්…
ටොරන්ට් හෝ එවැනි නීතිවිරෝධී ක්‍රම වලින් පරිගණකයට චිත්‍රපට ඩවුන්ලෝඩ් කරගෙන නැරඹීම අප බොහෝදෙනා සිදු කරනා වැරදි දෙයක්… මමත් පුද්ගලිකව එවැනි චිත්‍රපටි එකක් හෝ දෙකක් සති අන්තයේ රාත්‍රියේ නරඹනවා… බොහෝදෙනෙකු ඒ සඳහා යොදාගන්නේ VLC Media Player නැමති මෘදුකාංගය… ඒ එහි බොහෝ කොඩෙක් ඉන්බිල්ට් ඇති නිසා විය යුතුයි… නමුත් ඉංග්‍රීසි චිත්‍රපටි සම්බන්ඬයෙන් පුද්ගලිකව මා ඇබ්බැහි වී ඇති පුරුදු කිහිපයක්ම තිබෙනවා… ඉන් එකක් තමයි මා වඩාත් කැමති ඉංග්‍රීසි චිත්‍රපටියක් නැරඹීමේදී එය ඉංග්‍රීසි සබ් ටයිටල්ස් සමඟ නැරඹීමටයි… මව් භාෂාව සිංහල වූ මට එය විශාල පහසුවක්… දෙවැනි කරුණ තමයි ජනප්‍රිය ඉංග්‍රීසි නවකතා පොත් කියවීමට මා හට ඇති අපහසුව… ඒ නිසා එවැනි පොතක් ගැන සඳහන් වූ විටෙක මා කරන්නේ ඒ පොත අනුසාරයෙන් නිපදවූ චිත්‍රපටියක් ඇතිනම් එය බාගත කරගෙන නැරඹීමයි… මේ අවස්ථා දෙකේදීම ඉංග්‍රීසි සබ්ටයිටල්ස් මට අත්‍යාවශ්‍යයි… බොහෝ මීඩියා ප්ලේයර් වල ඇති ගැටළුව සබ්ටයිටල් අප වෙනම ඩවුන්ලෝඩ් කලයුතු වීමයි… නමුත් මෙම ප්ලේයරයේ ඇති විශේෂත්වය චිත්‍රපටිය ආරම්භ කරන විගසම ඔටෝමැටිකලි අන්තර්ජාලයට සම්බන්ඬ වී සබ්ටයිටල් ෆයිල් එක සොයා ඩවුන්ලෝඩ් කර දීමයි… මේ හැකියාව නිසා මෙම ප්ලේයරය කලක පටන් මගේ ප්‍රියතම මෘදුකාංගයක්…
FTE කෙටිවී ඇත්තේ Faster Than Ever නැමති තේරුමෙන්… මෙය ඇප්ලිකේශන් ලෝන්චර් එකක්… අපිට පරිගණකයේ යම් මෘදුකාංගයක් ආරම්භ කිරීමට අවශ්‍ය නම් ඊට බොහෝ ක්‍රම තිබෙනවා… ඩෙස්ක්ටොප් එකේ ඇති ශෝට් කට් එක ඩබල් ක්ලික් කිරීම එක ක්‍රමයක්… Start –> All Programs වලට ගොස් අදාල ශෝට් කට් එක ක්ලික් කිරීම තවත් ක්‍රමයක්… මේ අතරේ පුරුදු විය හැකිනම් වඩාත් වේගවත් ක්‍රමය Windows Key එකත් R කී එකත් ප්‍රෙස් කර අදාල exe ෆයිල් එකේ නම ටයිප් කර එන්ටර් එබීමයි… උදාහරණයක් ලෙස වර්ඩ් ඕපන් කිරීමට කල යුත්තේ Windows + R press කර winword කියා ටයිප් කර Enter key එක එබීමයි… දීර්ඝ ක්‍රමයක් යැයි බැලූ බැල්මටම පෙනුනත් කාලයක් පුරුදු වූ අයෙකුට මෙය වඩාත්ම පහසු ක්‍රමයයි…
ඉතින් මේ FTE එකෙන් කරන්නේ දිනපතා භාවිතා කරන එවැනි මෘදුකාංග සියල්ලෙහි කෙටි නම් ප්‍රෝග්‍රෑම් කර තැබීමයි… එවිට ඔබට අවශ්‍ය මෘදුකාංගය ආරම්භ කිරීම ඒ හරහා ඉතා වේගයෙන් සහ පහසුවෙන් කල හැකියි… Application Launchers එමට ඇතත් මට වඩාත් පහසු මේ FTE මෘදුකාංගයයි…
මෙය පාස්වර්ඩ් මැනේජර් එකක්… තමන්ගේ පාස්වර්ඩ් තුන් වැනි පාර්ශවයේ මෘදුකාංගයකට භාරදීම බොහෝදෙනෙකු ඉතාමත් අකමැති දෙයක්… නමුත් මා පුද්ගලිකව එහි ඇති අවාසි පරයා වාසි දකින්නෙක්… ඉතින් මාගේ සියළු පාස්වර්ඩ් බලා කියාගන්නේ මේ මෘදුකාංගයයි… මෙතෙක් කිසිම අකරතැබ්බයකට මුහුණ දී නැහැ…
මේ පෝස්ට් එකත් ඇතුළුව බ්ලොග් ලිවීම සඳහා භාවිතා කරන්නේ මේ මෘදුකාංගයයි… ලේසියි පහසුයි…
මෙය මාගේ Personal Accounting Software එකයි… ස්ථාපනය කර ඇත්තේ ජංගම දුරකථනයේ… මාගේ මාසික බජට් එක සෑදිමටත් එදිනෙදා වියදම් සටහන් කිරීමටත් යොදාගන්නේ මෙයයි… භාවිතා කිරීමට පටන් ගත් සැනින්ම මට මාසිකව සුළු මුදලක් ඉතිරිකිරීමට හැකියාව ලබාදුන් අරුම පුදුම මෘදුකාංගයක්…
ජංගම දුරකථනයේ නිවුස් රීඩරය… දිනපතා දවස ඇරඹෙන්නේ නාන කාමරයේ මේ මෘදුකාංගය සමගින්…
කම්මැලිකම වැඩි නිසාම මේක නං මට පාවිච්චි වෙන්නේ නෑ දැන්.. කාලයක් පාවිච්චි කලා… ටුඩූ මැනේජර් එක…
බඩ බස්සගන්න හුඟ දෙනෙක් ජිම් යනවා… තව සමහරු ජොගින්… උදේට පරක්කු වෙලා නැගිටින හවසට වැඩ ඉවර වුණු ගමන් ගෙදර දුවගෙන එන මම වගේ කම්මැලියෙකුට කියාපු ඇප් එක මේක… සතියට කරන ව්‍යායාම ෂෙඩුල් කරගෙන ජංගම දුරකතනය ට්‍රේනර් විදියට තියාගෙන කරන්න පුළුවන්…
කාලයක් තිස්සේ මම භාවිතා කරන පුද්ගලික ඩයරිය මේකයි…
කෙටියෙන් අවසන් කලේ දීර්ඝ ලිපියක් කියවීම නීරස විය හැකි නිසායි… ඉතින් මා ඉහත සඳහන් කලේ මා දිනපතා භාවිතා කරන, මට මහත් සේවය සලසන වැඩිපුර ජනප්‍රිය නැති මෘදුකාංග කිහිපයක්… මේ පෝස්ටුවෙන් ඔබට ගතයුත්තක් ඇත්නම් මාගේ සතුටද එයයි… ඔබ භාවිතා කරනා මෙවැනි මෘදුකාංග අප හැමදෙනාගේ පහසුව තකා පහතින් සටහන් කරන්නට අමතක කරන්නෙපා…
ස්තූතියි..
ReplyDeleteදැනට පාවිච්චි කරන ඒවට තියෙන්නෙ එනි ඩූ එක විතරයි... ඊසි මනී එක දාගෙන බලන්න ඕන... දැනට පාවිච්චි කරන එකේ ෆන්ෂන්ස් මදි වගේ... :)
ආ කියන්න අමතක වුනු කාරනේ..ඊසී මනී ට්‍රයල් එක ඉවර උනාම සුට්ටි ඩොලර් කීපයක් ගෙවන්න ඕනේ කන්ටිනියු කරන්න.. ඇප් එක හොඳ නිසා මම ගෙව්වා...
Deleteඅනිත් සේරම ෆ්‍රී ඒවා...
මතකද එදා අපි කතා උනා ඉන්ග්ලිශ් සබ් ගැන . . එත් වැඩි විස්තර දන ගන්න දුමියා නිවාඩු ගිහින් එනකම් කියලා හිටියේ . .
ReplyDeleteපහුගිය ටිකේ මම පිස්සුවෙන් වගේ ෆිල්ම්ස් බැලුවා සබ් ටයිට්ල් හොයා ගන්න පුලුවන් උනේ ෆිල්ම්ස් කීපෙක විතරයි.
බොහොම ස්තූතියි බීට්ල් මම අර ප්ලේයර් එක දම දාගන්නවා . . . මින් පස්සේ මාත් ෆිල්ම් බලන්නේ එකෙන් . . සිරාවටම තැන්කූ මචෝ . .
මෙකේ ඔක්කෝම මටනම් ඇලුත්ම අලුත් ජාති . .
ReplyDeleteමේ ඔක්කෝම නෙමේ කීපයක් . . To Do ලිස්ට් එක, එකවුන්ට් සොෆ්ට්වෙයාර් එක, එක්සර්සයිස් එක වගේ ඒවා කීපයක් මම අද හෙටම ඔන්න ප්‍රයෝජනේට ගනන් හිතා ගත්තා . .
උඹට පින් ඈ මෙව්වා මෙහෙම තේරෙන සිංහලෙන් කියලා දුන්නට. .
එලකිරි මචෝ.. :)
Deleteවටින පෝස්ට් එකක්, මොබයිල් ඇප්ස් ටික ඇරෙන්න[මට ඇන්ඩෝ ෆෝන් එකක් නැති නිසා ] අනික් ඔක්කොම පාවිච්චියට ගන්නවා..!
ReplyDeleteජය!
මම නම් බාන්නෙම සබ්ටයිටල් එක්ක තමයි , මම හින්දි ෆිල්මුත් සැහෙන්න බලන නිසා ඒක පුරුද්දකට ගිහින් . කොහොම වුනත් මේ ප්ලේයරය ගැන දැනං හිටියේ නැ ස්තුතියි
ReplyDeleteජයවේවා ලිශා ඇන්ඩ් බුවා...
Deleteඑක්ස්-මාර්ක්ස් තමයි මේ ලිස්ට් 1න් මට හරියන්නෙ. ප්‍රශ්නයක්, ඔපීසියෙදි ෆේවරීට් එකට දාගන්න ඒව ගෙදරදි බලන්නෙ කොහොමද? ලොග් වීමක් උනාමද ගෙදර මැසිටම එන්නෙ?
ReplyDeleteරාජ් ඔව්... X-marks වල ඔප්ෂන් එකක් තියෙනවා Enable Automatic Synchronization කියලා... ඒක එනබල් කර ඇත්නම් බ්‍රව්සරය ඕපන් කල වහාම මැනුවල් ඩවුන්ලෝඩ් කිරීමක් නොකරම ෆේවරිට්ස් ටික ගෙදර මැසිමේ දැකගත හැකියි...
Deletegoogle පාවිච්චි කරනවනම් මොනවත් ඔනි නෑ. ඔයා ගෙදරදි දුන්න gmail address එකම අනිත් machine එකටත් දෙන්නයි තියෙන්නේ. chrome එක ඔක්කොම import කරනවා.
Delete*google chrome
DeleteX-Marks එකයි BS- Player එකයි Windows Live Writer එකයි ඩවුන්ලෝඩ් වෙන්නෙ දැම්ම :D ස්තුතියි
ReplyDeleteවෙල්කම් :)
Deleteමට මුකුත්ම තේරෙන්නේ නැ නොවැ.. :/
ReplyDeleteජය වේවා!!!
ඒ බොරු නේද..? මොකුත්ම නොතේරී තියෙන්න විදියක් නම් නෑ... :)
Deleteක්‍රොම් browsaරේට ලොග් වෙන්න පුලුවන් ගූග්ල් අකවුන්ට් එකෙන්. ඊට පස්සෙ ඌ ඔක්කොම බූක් මාර්ක් එකවුන්ට් එකත් එක්ක සින්ක් කරනවා.
ReplyDeleteකොම්පුයුටර් දෙකක් පාවිච්චි කරනවනම් කරන්න තියෙන්නෙ අලුත් browsaරේට ලොග් වෙලා බුක්මාක් ඉම්පෝර්ට් කරන එක විතරයි. සරලයි. දැන්නම් ෆයර්ෆොx පාවිච්චියක්ම නෑ. ක්‍රොම් තමා බඩ්ඩ. කොටින්ම කියනවනම් ssl client කෙනෙකුත් ඉන්නවා.
SSH*
Deleteඔව් අපි ගොඩක් අය ගූගල් එක්කම දවස ගෙවන නිසා ඒ ක්‍රමය ප්‍රායෝගිකයි...
Deleteමට එක්ස්-මාර්ක්ස් හිට් වෙන්න ප්‍රධාන හේතු වුනේ... ඉස්සෙල්ලාම මම ෆේවරිට්ස් සින්ක් කරන්න පටන්ගනිද්දී (මම හිතන්නේ 2007 විතර) ක්‍රෝම් බ්‍රවුසර් එක රිලීස් වෙලාවත් තිබුනේ නැහැ... ඊට පස්සේ කොපමණ සර්විසස් ආවත් පුරුදු සර්විස් එකෙන් අයින් වෙන්න අවශ්‍යතාවයක් තිබුණේ නැහැ... අනෙක ඒ දවස්වල මම ඔෆීසියේ IE ත් පාවිච්චි කලා... ඒකෙනුත් ෆේවරිට්ස් සින්ක් කරගන්න අවශ්‍යය වුනා...
thank u...
ReplyDeleteyou are welcome...
Deleteමං නං ඔය එකක්වත් පාවිච්චි කරලා නෑ. අර ඇක්සයිස් මෙව්වා එකනං වැදගත් වෙයි වගේ! :D
ReplyDeleteමම හිතන්නේ දැන්නම් ඒකෙන් ගොඩදාගන්න පුළුවන් තත්වෙ පැනලා පුසා..? :D
Deleteමේ එකක්වත් මම කවදාවත්ම පාවිච්චි කරලා නෑ..
ReplyDeleteබුක්මාර්ක් සින්ක්‍රොනයිස් ෆැසිලිටි එකනම් ගූගල් ක්‍රෝම් වලත් තියනවා... වෙඩ් වගේ අප්ඩේට් වෙනවා.. හබැයි බැකප් තියාගන්නවද කියලනම් දන්නේ නෑ..
බුක් මාක් සඳහා මම පාවිච්චි කරන්නේ ගූගල් බුක් මාර්ක් සහ gmark ෆයර්ෆොක්ස් ඇඩෝන් එක
ReplyDeleteසෙන්නා, තීර්ථ යාත්‍රිකයා
Deleteඔව් ගුගල් බුක්මාර්ක් ඇඩොන් එකත් firefox වලට gmark එකත් සාර්ථකයි... IE පාවිච්චි කරනවානම් ක්‍රොස් බ්‍රවුසර් සින්ක් කරන්න පුංචි අවාසියක් තිබුනත්...
ස්තූතියි ප්‍රතිචාර වලට...
ඉතාමත්ම අගනා ලිපියක්.ඔබට ස්තුතියි සහෝ :)
ReplyDelete+++++++++++++++++++++++
ReplyDeleteබොහොම ස්තූතියි දැනුවත් කලාට. මං මේ එකක්වත් පාවිච්චි කරලා නෑ. එත් හිතලා තිබුණා සමහර දේවල් කරගන්න මෘදුකාංග තිබුණානම් කියලා. ඒ වගේ හිතපු වැඩ කිහිපයක්ම කරන්න පුළුවන් දේවල් ගොඩක් මෙතන තියෙනවා.
ReplyDeletebs player, xmarks ගත්තා, තැන්කූ ....
ReplyDeleteKeep this going please, great job!
ReplyDelete