මැහැල්ල, මීට සුලු මොහොතකට පෙර අඳුරු වීදියේදී ඇයට මුණගැසුනු බල්ලා දෙස බැලුවාය…
උගේ බොර පැහැ නෙත්, ඇගේ ඇතුළට ගිලීගිය දෙනෙත් හා පළමු වරට ගැටිනි…
ඌ මස් කටුවට ගිජුකමෙන් නොඉවසිල්ලෙන් හති හලයි…
මේ නම් නොවක් සා ගින්නෙන් පෙළෙන බල්ලෙකි, මැහැල්ලට සිතිනි…
තමා සතු මස් දියවී ගිය කටුව මේ සා විශාල දඩ බල්ලෙකුගේ සාගින්න නිවන්නට ප්‍රමාණවත් වේදැයි මොහොතකට ඇය සැක කලාය…
එහෙත් දැන් ආපසු හැරෙන්නට ගිය දුර වැඩිය…
බල්ලා බලා සිටී…
අවසන් මොහොතේ මස් කටුව ඌ වෙත විසිනොකිරීමට හේතුව වටහා ගැනීම ඌට අපහසු වියහැක…
මිනිස් සන්තානයේ පහළවෙන සංකීර්ණ සිතුවිලි බල්ලෙකුට වැටහෙනවායැ…!
උගේ බොර පැහැ නෙත්ද, නියවන උල් දත්ද අමතක කර සිත්ගන්නා සුළු කිසිවක් හෝ ඇත්දැයි දකින්නට ඇය උත්සාහා කලාය…
අඳුරු පසුබිමේ කළුපැහැ සිත්තමක් වැනි ඡායාවක් හැර කිසිත් ඇයට නොපෙනේ…
ඇය තරුණ වයසේදී ලෝම පිරුණු රට බල්ලෙකු තුරුළු කරගෙන හුරතල් කිරීමට සිහින දැකි අයුරු ඇගේ මනසේ හොල්මන් කරන්නට විය…
ඒ සිහින සියල්ල එකින් එක පහන් වී අවසානයේ ඈ අවදිවූයේ තම සැමියාගේ නිසල දෙණ අභියසදීය…
ඉන් ඉක්බිති නොනිදාම ඇය දකින තවමත් පහන් නොවූ එක් නපුරු සිහිනයකි…
මැහැල්ලට තම මන්දමානසික දියණියද ඇගේ සිඟිති දරුවාද සිහිවිය…
සිඟිත්තා තම දියණිය හා දිගු වේලාවක් තැබීම අනතුරකට අතවැනීමක් බව ඇය අත්දැකීමෙන් දනී…
බල්ලෙකු සුරතල් කරමින් නාස්ති කරන්නට කාලයක් ඇයට නොවේ…
තවත් බලා නොඉඳ ඇය මස්කටුව බල්ලා වෙත විසිකලාය…
මොහොතක පමාවකින් තොරවම එය අසල වූ කඩයක දොර පියනට හේත්තු කරගත් බල්ලා…
ඇය ළය පුරා වියරුවෙන් පහුරුගාන්නට විනි…
විශිෂ්ඨයි බීට්ල්. අන්තිම වෙනකල් වෙන කතාවක් හිතාගෙන හිටියෙ!
ReplyDeleteනියමයි අයියේ.. කලින් ලියපුට වැඩිය වෙනස්ම විදිහේ කතාවක්..
ReplyDeleteවිශිෂ්ටයි තමා. මට තාම අන්තිම තේරුම් ගන්ට බැරි උණානේ. :)
ReplyDeleteමම කතාව මම තේරුම් ගත්තු හැටියට, උඹ මාරයි බන්...
ReplyDeleteරවි අයියත් මේ ජාතියෙ කෙටි කතාවක් ලියලා තිබුනා.. අන්තිමට කියවෙන එක වචනෙකින් මුලු කතාවම අනිත් පැත්ත හැරෙනවා.. හිතන් ඉන්න ඔක්කොම වෙනස් වෙනවා.. ඒක මෙතනින්..
බීටල් අයියෙ.. කෙටියි සරළයි.. 10 පාරක් කියෙව්වොත් අර්ථ 10 ක් ගන්න හැකියි. මම මම කැමති අරුත ගත්තා.
ReplyDeleteමන්දමානසික දියණිය සහ බල්ලා :)
මුල අග කියවන අයට ඉතුරුකරන ලියවිලි වලට මම නම් පෞද්ගලිකව හරි කැමතියි! :)
ReplyDeleteමමත්. මම දන්න තරමින් 'කතුවරයා ගේ මරණය සහ පාඨකයා ගේ ඉපදීම.' රෝලන්ඩ් බාත් ද කොහෙද එහෙම කිව්වේ.
Deleteමං තාම කල්පනා කරනවා.. හ්ම්ම්...
ReplyDeleteමමත් කල්පනා කරනවා .. මොකක්දෑ මේකෙන් කියැවෙන්නේ ?
ReplyDeleteඅනේ මන්දා මේක කියෙව්ව වෙලාවෙ ඉඳන් මාත් තවම කල්පනා කරනවා........
ReplyDeleteහරියටම කිව්වොත් සම්භාව්‍ය චිත්‍රපටයක් බැලුවමත් මේ වගේ තමා.
මං කොයිල් උනා !
ReplyDeleteSHOAK KATHAWA NEDA. (PUKA WATE YANA KAKA)
ReplyDeleteMUHUDU, Dinesh, Poddi, සෙන්නා, Neranji, Malithi, දිලිනි, හිරු, සඳරු, සෝන්යා, මධුරංග හැමදෙනාටම ස්තූතියි...
ReplyDeleteමේ සටහන තේරුම්ගන්න ගොඩක් අමාරු ඇතියැයි මම හිතන්නේ නෑ... මුහුදු හා සෙන්නා දැනටමත් කියලා තියෙන විදියට සමහරවිට එකම එක වාක්‍යයක් විතරක් ඇති... :)
මොහොතක පමාවකින් තොරවම එය අසල වූ කඩයක දොර පියනට හේත්තු කරගත් බල්ලා…
ReplyDeleteඇය ළය පුරා වියරුවෙන් පහුරුගාන්නට විනි…
මුල ඉදල කියවගෙන ඇවිල්ල මේ අන්තිම පේලි දෙක කියෙව්වම උස්සල පොලවේ ගැහුවා වගේ....
මමත් එකක් හිතා ගත්තා.. හරි ද මන්ද... ලස්සන කතාවක්..
ReplyDelete//සිඟිත්තා තම දියණිය හා දිගු වේලාවක් තැබීම අනතුරකට අතවැනීමක් බව ඇය අත්දැකීමෙන් දනී…//
ReplyDeleteමේකෙ මට දැනෙන තේරුමත් එක්ක ඔය ඉහත වාක්‍යය ගැලපෙන්නෙ නෑ... වෙන තේරුමක් හිතා ගන්නත් බැහැ....
දියණියගේ මන්ද මාණසික බව සිගිත්තාට අනතුරක් කරාවියැයි කියලයි ඔහු කියන්නෙ..
Deleteසෙන්නා... ඒ කෑල්ල තේරුණා.. මම අදහස් කලේ සම්පූර්ණ කතාවේ මට දැනෙන තේරුමත් එක්ක, ඔය ඉහත පේළිය ටිකක් පරස්පරයි කියලා.
Deleteමට රැස්කොල්නිකොව් සහ සෝනියා මතක් උනා.
ReplyDeleteනලිනි අක්කගේ ස්ටේටස් එක පස්සෙ ආවේ.. කාල වරෙන්කො.. මේකෙ අගමුල හොයන්න චොම්මෙන්ට් කියවන්න යමි..
ReplyDeleteහොඳ වෙලාවට බුකියෙදීම ගැට පද විවරණ බලලා ආවේ.. නැත්තං අනාථ වෙනවා...
ReplyDeleteකියලා වැඩැක් නෑ, ඒක හන්දා මුකුත් කියන්නැ.....
ReplyDelete